上一次見阿斌已經係幾年前嘅上海，宜家佢已經係兩部電影《G殺》同《墮落花》嘅導演 —— 李卓斌。傾傾下先知對方工作室搬左黎新蒲崗，所以就決定踩上去搵佢傾下偈。
其實阿斌之前租過觀塘，但連OMDB都知觀塘冇得救，所以就搬到新蒲崗新址，而且呢度可以對住獅子山，靈感都多啲。
「其實已經無左香港電影，面對未知嘅審查，如果要自由創作可能只可以去台灣。」作為香港電影導演阿斌表示：「但係就講國語囉，廣東話嘅香港電影......無啦！其實拍電影都要搵食，記得《G殺》開拍之前都有一年半無工開。」
「就算作品係賣去外國網上平台，同樣難避免要配合中國市場。」所以阿斌表示選擇電影呢個媒介糊口，就預左有審查，但咁樣反而令佢清楚自己想講咩，就好似呀媽越唔比你做你越想做咁！亅
大家都知香港電影沉寂左好一段時間，呢輩嘅電影人收入從來都唔穩定，做得電影就要學識儲錢，有乜事都未至於手停口停。面對疫情好多電影都暫停或延期拍攝，阿斌亦覺得香港電影工業會大洗牌。
黎緊阿斌將會進行合輯短片嘅製作，雖然短片內容同主題未可以公開，但大家可以期待下。
就算係阿斌已經有代表作嘅導演，都難以淨係靠電影為生，所以喺朋友鼓勵下夾份開左間餐廳悉尼樂園，阿斌就話自己唔識做生意，自已咩都唔識，只可以叫多啲朋友去支持！最近戲院又再次關閉，但希望大家可以用另一個方式去支持香港電影人！
銅鑼灣邊寧頓街9-11號登龍閣2A
。
。
。
。
。
————————————————————
www.penhousehk.com
地址：新蒲崗大有街35號義發工業大廈 10E
Yorumlar